logo
HeilsuErla

Velkomin á 6 mánaða heilsumarkþjálfun með Erlu

Heilsumarkþjálfun með Erlu

Hvernig getur heilsumarkþjálfun með Erlu hjálpað þér?

Ég hjálpa þér að ná markmiðum þínum er varða heilsu og vellíðan. Þessi markmið snúa að lífsstílnum þínum og geta t.d. tengst mataræði, hreyfingu, tímastjórnun, svefni, núvitund og minnkun streitu í daglegu lífi.

Finna jafnvægi

Ég set þig í fyrsta sæti.

Saman vinnum við að því að skoða og meta hvernig margvíslegir þættir hafa áhrif á heilsu þína – hvaða þættir það eru sem stuðla að ójafnvægi í þínu lífi og hafa neikvæð áhrif á heilsu þína.
Meðan á þjálfuninni stendur munt þú öðlast ríkari skilning á hvaða lífsstílsvenjur henta þér best.
Ég skoða heilsufarssögu þína með tilliti til allra þátta sem hafa áhrif á heilsu og vellíðan og met hvort finna megi ójafnvægi milli þeirra, sem getur haft neikvæð áhrif á heilsuna.
Ég skoða með þér hvernig allir þættir í lífi þínu tengjast saman og hafa áhrif á heilsu þína. Fær til dæmis streita frá vinnu eða vandamál í sambandinu þínu þig til að leita óhóflega í mat? Stuðlar svefnleysi eða lítil orka að því að þú hreyfir þig ekki nóg?
Ég aðstoða þig við að setja þér einstaklingsmiðuð og raunhæf markmið og útbý sérsniðar áætlanir sem styðja við markmiðin.
Myndskreyting
Hvert skref í rétta átt mun hafa langvarandi breytingar í för með sér og mikil áhrif á orku þína, jafnvægi og heilsu – til hins betra.
Myndskreyting setja sér markmið
Ég veiti þér ráðleggingar varðandi mataræði (næringu) en meiri áhersla er lögð á þá næringu sem við fáum úr umhverfinu, svokallaða frumnæringu, en í henni felast þættir á borð við gleði, sambönd, vinnu, hreyfingu og andlega næringu.
Ég fræði og ráðlegg þér hvernig þú getur aukið lífsgæði þín og heilbrigði, hvernig þú getur aukið fjölbreytni og hollustu í mataræði, hvernig þú finnur hvaða hreyfing hentar þér og hjálpar þér að finna jafnvægi í lífinu.
Ég er þín hægri hönd og n.k. stuðningsfulltrúi á þessari vegferð og hjálpa þér að skilja hvernig á að næra sig heildrænt og leiðbeini þér í átt að markmiðum þínum.
Að ná góðri heilsu er ferðalag en ekki áfangastaður, við tökum eitt skref í einu.
Myndskreyting skref í rétta átt

Þitt heilsuferðalag hefst hér.

6 mánaða heilsumarkþjálfun með Erlu

Ég býð upp á 50 mínútna heilsuviðtal fyrir þá sem hafa áhuga á að kynna sér heilsumarkþjálfun. Viðtalið er þér að kostnaðarlausu og án allra skuldbindinga.
1

Bókar heilsuviðtal

Þegar viðtalið hefur verið bókað mun hef ég samband til að ákveða stað og stund fyrir samtalið sem fer fram í gegnum netið eða í eigin persónu.

2

Svarar spurningum

Þú færð sendar spurningar tengdar heilsu þinni, lífsstíl og markmiðum sem þú svarar áður en heilsuviðtalið fer fram og sendir mér.

3

Viðtalið

Í viðtalinu sjálfu verður farið yfir spurningarnar, markmið og væntingar þínar. Í framhaldi er svo ákveðið í sameiningu hvort heilsumarkþjálfun með mér sé rétta leiðin fyrir þig.

4

Skráning

Að viðtali loknu getur þú skráð þig í 6 mánaða heilsumarkþjálfun hjá HeilsuErlu og tekið skref í átt að bættum og betri lífsstíl með mér.

Hægt er að greiða mánaðarlega eða sem eingreiðslu. Athugið að mörg stéttarfélög veita styrki fyrir markþjálfun.

Mánaðargreiðslur

29.900

krónur á mánuði

samtals 179.400 krónur

Eingreiðsla

159.900

króna eingreiðsla

Þú sparar 10% eða 19.500 krónur

Innifalið í heilsumarkþjálfun

Heilsufundir

Heilsufundir eru 1 klst. aðra hverja viku, samtals 12 sinnum. Þú velur hvort þú viljir hitta mig gegnum netið, síma eða augliti til auglits.

Einstaklingsmiðuð áætlun og markmiðasetning

Ég hjálpa þér að skilgreina og setja þér raunhæf og einstaklingsmiðuð markmið í átt að betri heilsu og aukinni vellíðan og útbý sérsniðna áætlun til þess að ná þeim.

Fræðsla og ráðgjöf

Ég veiti þér fræðslu, efni og upplýsingar sem stuðla að bættum lífsstíl, venjum, hugarfari og jákvæðum breytingum til frambúðar.

Verkefni

Ég gef þér heimaverkefni sem taka mið af þínum markmiðum og styðja þig á vegferð þinni.

Stuðningur og aðhald

Ég er þér til halds og trausts alla leið. Þú getur sent mér ótakmarkaðar spurningar og hugleiðingar með tölvupósti.

280 blaðsíðna dagbók

Þú færð útprentaða 280 blaðsíðna gormaða dagbók, sem styður við heilsuferðalag þitt.